2d Երևան․ Երևանի ճոպանուղին

Երևանի ճոպանուղին  բացվել է 1967թ։ Ճարտարապետներ՝ Բաղդասար Արզումանյան, Հովհաննես  Մարգարյան։ Երևանի խոշոր խորհրդային մոդեռնիստական կառույցներից է։ Այն կապել է Հերացու փողոցը Նորք թաղամասի հետ` օրական տեղափոխելով մոտ 500 ուղևոր։ Ճոպանուղու ուղևորները հիմնականում ուսանողներ էին, քանի որ նրա Կենտրոն թաղամասի կառամատույցը մոտ է գտնվում երևանյան բուհ-երին: 1990-ական թվականներին ճոպանուղին չի աշխատել ընդամենը 6 ամիս: Ճապանուղու ուղևորների մոտ 20-30%-ը անվճար հիմունքներով է երթևեկում, նրանց երթևեկության համար պետությունը 1999 թվականից ի վեր չէր վճարում, ինչի հետևանքով 2003 թ. տվյալներով պետության պարտքը «Երևանի ճոպանուղի» ընկերությանը հասել էր 7,000,000 ՀՀ դրամի: 2004 թ-ին տեղի ունեցավ վթար, որի ընթացքում  15 մետր բարձրությունից ճոպանուղու վագոնը ընկավ  առանձնատներից մեկի բակը։ Վթարի հետևանքով վագոնի 11 ուղևորներից մահացել է հինգը, որոնցից երկուսը Իրանի քաղաքացիներ էին, մյուսները ստացել են ծանր մարմնական վնասվածքներ։

Լուսանկարները՝ Արմեն Թորոսյանի