Դիպլոմային նախագծերի կառուցվածքը, ներկայացվող պահանջները

Դիպլոմային նախագծերի կառուցվածքը, ներկայացվող պահանջները

Աշխատանքը պետք է ունենա հետևյալ կառուցվածքային բաղադրիչները.

• տիտղոսաթերթ
• բովանդակություն
• ներածություն
• հիմնական մաս
• ամփոփում
• օգտագործված գրականության ցուցակ
• հավելվածներ (եթե դրա անհրաժեշտությունը կա):

Տիտղոսաթերթ

Սա աշխատանքի առաջին էջն է։ Այստեղ պետք է զետեղված լինեն հետևյալ տվյալները.

• հաստատության անվանումը` Երևանի «Մխիթար Սեբաստացի» կրթահամալիրի քոլեջ
• հեղինակի անունը, ազգանունը, հայրանունը
• աշխատանքի վերնագիրը
• մասնագիտության անվանումը
• ղեկավարի պաշտոնը, անունը և ազգանունը
• քաղաքը և տարին:

Բովանդակություն

Բովանդակությունը զետեղվում է աշխատանքի սկզբում:

Այն պարունակում է

• ներածություն,
• բոլոր գլուխների, բաժինների, ենթաբաժինների և կետերի անվանումները (եթե դրանք վերնագրված են),
• ամփոփում,
• օգտագործված գրականության ցանկ
• հավելվածներ (եթե դրանք առկա են):

Բոլոր գլուխների և ենթագլուխների անվանումները պետք է գրված լինեն այն ձևակերպմամբ և այն հերթականությամբ, որոնցով նրանք տեղ են գտել աշխատանքում: Յուրաքանչյուր կառուցվածքային բաղադրիչին պիտի հաջորդի էջի համարը:

Ներածություն

Ներածությունը աշխատանքի ներածական մասն է: Այստեղ համառոտ ներկայացվում է աշխատանքը (բացի աշխատանքի արդյունքներից և եզրակացություններից): Այստեղ պետք է խուսափել նյութին անմիջականորեն չառնչվող, ընդհանրական մտքերի շարադրանքից:

Ներածությունում․

• հիմնավորվում է թեմայի (հիմնահարցի) արդիականությունը և տեսական կամ գործնական կարևորությունը,
• տրվում է քննարկվող խնդրի արդի վիճակի ընդհանուր գնահատականը, տվյալ հետազոտությունների անհրաժեշտության հիմնավորումը,
• աշխատանքի նպատակը
• խնդիրները (ուսումնասիրման ենթակա հիմնահարցերը)
• նշվում են աշխատանքի կատարման ընթացքում օգտագործված մեթոդները,
• ներկայացվում է աշխատանքի կառուցվածքը (հիմնական գլուխների, ենթագլուխների համառոտ շարադրանքը),

Ներածությունը, որպես կանոն, հակիրճ բաժին է, նրա ծավալը չպետք է գերազանցի. 3 էջը։

Հիմնական մաս

Այստեղ ներառվում են աշխատանքի գլուխներն ու ենթագլուխները։

Գլուխները կարելի է խմբավորել ըստ հիմնական բաժինների՝ տեսական և գործնական-կիրառական:

Տեսական գլխում (գլուխներում) պետք է

• արտացոլվի ընտրված թեմայի հիմնավորումը,
• համառոտ ներկայացվեն այդ թեմայով գոյություն ունեցող այն աշխատությունները, որոնք ուսումնասիրել կամ որոնցից օգտվել է հեղինակը,
• առանձնացվեն այն տեսական դրույթները, որոնք հիմք են հանդիսացել գործնական աշխատանքի համար։

Գործնական գլխում (գլուխներում) պետք է ներկայացվի.

• այն հիմնահարցը, որի հետազոտման համար իրականացվել է գործնական աշխատանքը,
• հետազոտական աշխատանքի մեթոդները, պլանը։
• իրականցման քայլերը։
• արդյունքները
• եզրահանգումները

Վերջաբանը կամ եզրակացությունը պետք է պարունակի.

• հետազոտությունների հիմնական արդյունքները և դրանց հիման վրա արված եզրակացությունները,
• ստացված արդյունքների օգտագործման գործնական կիրառման վերաբերյալ առաջարկներ,
• կատարված աշխատանքի մանկավարժական, մեթոդական նշանակությունը

Վերջաբանը, որպես կանոն, հակիրճ բաժին է, և նրա ծավալը չպետք է գերազանցի. 2-3 էջը:

Մասնագիտական բլոգին ներկայացվող պահանջներ

• Պետք է լինի մասնագիտական-ուսումնական
• Բովանդակային միջուկը լինի գրագետ, հայատառ, ստեղծական, հարուստ (տեքստային նյութեր, նկարներ, տեսանյութեր և այլն):
• Պետք է պարունակի այն ամենը ինչ հետաքրքիր է բլոգի այցելուներին` իհարկե չանցնելով բլոգի թեմատիկայի սահմանները:
• Արտաքին տեսքը համապատասխանի բլոգի թեմատիկային, լինի պարզ, մատչելի ընթերցանության համար:
• Պարտադիր պարունակի տեղեկություն բլոգի հեղինակի, ուսումնական հաստատության և բլոգի համառոտ նկարագրի մասին:
• Ձևավորումը համապատասխանի մասնագիտության:
• Հանդիսանա երկխոսության միջավայր:
• Բլոգում պետք է պահպանել էթիկայի նորմերը և հեղինակային իրավունքները` անպայման նշելով նյութի, նկարի աղբյուրը:
• Բլոգը պետք է լինի կենդանի, յուրօրինակ. թարմացումը կրի պարբերական բնույթ, ունենա մուտերի հաշվիչ:

Դիպլոմային նախագծի ուղղություններ

• Լեզվական
• Բնագիտական
• Տրամաբանական
• Տեխնոլոգիական
• Մարզական
• Թատերական
• Այլ…

Դիպլոմային նախագծի թեմաներ

Խոսքի, հաղորդակցական կարողությունների և սոցիալական հմտությունների զարգացում

• Երեխայի երևակայության և ստեղծագործական կարողությունների զարգացումը. ռոդարիական խաղեր
• Գրական նյութը (պատմությունները, հեքիաթները)՝ որպես նախադպրոցական տարիքի երեխաների խոսքի, հաղորդակցական կարողությունների, հուզական զարգացման և բարոյական պատկերացումների ձևավորման միջոց
• Նախադպրոցականների խոսքի զարգացումը գործունեության տարբեր ձևերի ընթացքում.
  Զրույցներ խաղերի ընթացքում,
  զրույցներ խոհանոցում,
  զրույցներ բնության գրկում
• Լեզվական խաղերը՝ որպես նախադպրոցականների բառապաշարի հարստացման միջոց։ (Բառախաղեր)
• Երեխաների կապակցված խոսքի և հաղորդակցական կարողությունների զարգացումը զրույցի և երկխոսությունների միջոցով (Իրավիճակային երկխոսություններ).
• Իրավիճակային երկխոսություններն ու դերախաղերը որպես նախադպրոցականների խոսքի և զարգացման միջոց
• Ստեղծագործական պատմումները՝ նախադպրոցականի խոսքի և երևակայության զարգացման կարևոր պայման
• Նախադպրոցականի խոսքի զարգացումը խաղերի միջոցով. Խաղեր տառերի, բառերի, պատմությունների հետ (խաղերի էլեկտրոնային փաթեթ)
• Երեխայի ստեղծագործական մտածողության և երևակայության զարգացումը (խոսքարվեստ և ձեռարվեստ)
• Հասակակիցների և մեծահասակների հետ խոսքային հաղորդակցումը որպես նախադպրոցականի անձնավորության ձևավորման միջոց
• Բաոապաշարի զարգացման առանձնահատկությունները նախադպրոցական տարիքում
• Զրույցը նախադպրոցականի խոսքի զարգացման պայման։ Բանավոր խոսքի զարգացման առանձնահատկությունները։

Թատրոն

• Թատրոնը և թատերական գործունեությունը՝ որպես նախադպրոցականների խոսքի և հաղորդակցական կարողությունների զարգացման միջոց.
  Մատնաթատրոն
  Ստվերային թատրոն
  Սեղանային թատրոն
  Խաղ-ներկայացում

Ճանաչողական զարգացում

• Ճանաչողական խաղերի դերը նախադպրոցական տարիքի երեխաների խոսքի և իմացական կարողությունների զարգացման գործում։ Վիկտորինա
• Նախադպրոցականի ճանաչողական կարողությունների զարգացումը թեմատիկ ուսուցման միջոցով

Հոգեբանություն

• Մանկական վախերը և դրանց հաղթահարման ուղիները նախադպրոցական տարիքում
• Ուշադրությունը որպես իմացական գործընթաց և ձևավորումը , զարգացումը նախադպրոցական տարիքում
• Խաղը որպես առաջատար գործունեության ձև ն/դ տարիքում
• Հեքիաթաթերապիան՝ որպես նախադպրոցականներին հոգեբանական խնդիրների հաղթահարման միջոց
• Խոսքի ձևավորման ու զարգացման առանձնահատկությունները նախադպրոցական տարիքում
• Վարվելակերպի կանոնների մշակումը և պահպանումը նախադպրոցականների միջավայրում։ Վարքի դաստիարակումը շարժախաղերի և դիդակտիկ խաղերի միջոցով

Զարգացնող միջավայր

• Զարգացնող-առարկայական միջավայրի դերը նախադպրոցականի կյանքում։ Խաղային միջավայրի ստեղծման առանձնահատկությունները

Մաթեմատիկական պատկերացումների ձևավորում և տրամաբանության զարգացում

• Մաթեմատիկական դիդակտիկ խաղերը՝ որպես երեխայի տրամաբանական մտածողության զարգացման և մաթեմատիկական պատկերացումների ձևավորման միջոց / ինքնաշեն խաղեր/
• Երաժշտամաթեմատիկական խաղերի կիրառումը նախադպրոցականի ուսուցման գործընթացում
• Տարրական մաթեմատիկայի ուսուցումը հեքիաթների միջոցով։ Հեքիաթային բովանդակությամբ հետաքրքրաշարժ խնդիրներ
• Թվաբանական պարզ խնդիրների ուսուցման ժամանակակից ուղիները։ Պարզ խնդիրների լուծումը որպես ավագ նախադպրոցականի մտավոր զարգացման կարևոր միջոց
• Փոխներգործուն մեթոդների արդյունավետ կիրառում ինտեգրված պարապմունքների ընթացքում (Տարրական մաթեմատիկական պատկերացումների զարգացում և կառուցողական աշխատանք)
• Մաթեմատիկան՝ որպես նախադպրոցականի բազմակողմանի զարգացման կարևոր պայման
• Նախադպրոցական երեխայի տրամաբանության և մտածողության զարգացումը խաղերի և վարժությունների միջոցով
• Նախադպրոցականի տնտեսագիտական դաստիարակության առանձնահատկությունները

Տրամաբանություն, սովորելու հմտություններ

• Հանելուկները՝ որպես նախաղպրոցականի տրամաբանության և խոսքի զարգացման արդյունավետ միջոց/ հանելուկահորինոցի/
• Սովորելու հմտությունների ձևավորումը՝ որպես երեխային դպրոցին նախապատրաստելու արդյունավետ միջոց։ (Պատրաստի գիտելիքներ հաղորդելու փոխարեն ձևավորել դրանք ձեռք բերելու կարողություններ)

Բնագիտական և էկոլոգիական դաստիարակություն

• Բնագիտական փորձերը՝ որպես երեխաների տրամաբանական մտածողության զարգացման և բնագիտական պատկերացումների ձևավորման միջոց
• Նախադպրոցահասակ երեխաների էկոլոգիական պատկերացումների ձևավորումը բնագիտական խաղերի միջոցով (էկոլոգիական դաստիարակության նպատակները, խնդիրները, մեթոդները, խաղեր)
• Երեխաների զգայարանների զարգացումը՝ խաղերի և վարժությունների միջոցով («5 զգայարաններ» գործնական աշխատանքների ձեռնարկի փորձարկում)
• Խաղը` որպես բնապահպանական- գեղագիտական դաստիարակության միջոց
• Դիտարկումները և փորձերը՝ որպես բնապահպանական դաստիարակության մեթոդ։ Երեխաների ճանաչողական և հետազոտական գործունեությունը մանկապարտեզում
• էկոլոգիական դաստիարակությունը՝ նախադպրոցականի ճանաչողական հետաքրքրությունների ձևավորման միջոց
• Բնության մասին պատկերացումների և բնության նկատմամբ խնայողական վերաբերմունքի ձևավորումը թեմատիկ ուսուցման միջոցով.
  Էլեկտրական էներգիա
  Արևի էներգիա
  Քամու էներգիա
• Ինտեգրված պարապմունքներ՝ Զրույց-պարապմունք` «Արեգակը և իր մոլորակները»
  «Աշուն»
  «Գարուն»
  «Երկիր մոլորակը մեր բոլորի տունն է»
  «Բնությունը և մենք։ Մենք բնության մի մասնիկն ենք»
  Բնության բարիքները (Թեմատիկ պարապմունք’ «Ջուրը ե նրա նշանակությունը»
  Առողջ սնունդ և մանուկների պայծառ ժպիտներ. երեխաներին գիտելիքներ հաղորդել էկոլոգիապես մաքուր և առողջ սննդի վերաբերյալ

Գեղագիտական դաստիարակություն

• Նախադպրոցականի ստեղծագործական երևակայության զարգացման պայմանների ապահովումը խաղի միջոցով
• Նախադպրոցական տարիքի երեխաների գեղագիտական դաստիարակության առանձնահատկությունները։ Ստեղծագործական կարողությունների ձևավորման և զարգացման մանկավարժական պայմանները

Երաժշտական դաստիարակություն

• Երաժշտադիդակտիկ խաղերը՝ որպես երեխայի երաժշտության ընկալման կարողությունների ձևավորման ու զարգացման միջոց
• Մանկական, ազգային խաղիկները, խաղերը, թռնոցիները՝ որպես երեխայի զարգացման և ինքնուրույն գեղարվեստական գործունեության միջոց
• Ծիսական, ազգային մանկական խաղերգերը որպես գեղագիտական դաստիարակության և ազգային մշակույթի փոխանցման միջոց

Նկարչություն, ձեռարվեստ, տեխնոլոգիա

• Կերպարվեստային գործունեությունը որպես նախադպրոցականների զգացմունքային ոլորտի զարգացման միջոց։ Կերպարվեստի պարապմունքների ընթացքում կիրառելի խաղեր
• Երեխաների պատկերային մտածողության և գունազգացողության զարգացումը կերպարվեստային գործունեության միջոցով։ Այլընտրանքային նկարչություն
• Դեկորատիվ կիրառական աշխատանքը մանկապարտեզում։ Ծեփակերտում
• ժամանակակից համակարգչային տեխնոլոգիաները նախադպրոցականի գեղարվեստական դաստիարակության համակարգում
• Կառուցողական ունակությունների ձևավորման առանձնահտկությունները նախադպրոցական տարիքում Կառուցողական աշխանքները՝ կերպարվեսաային գործունեության տեսակ

Նախադպրոցական հաստատության և ընտանիքի համագործակցություն

• Նախադպրոցական հաստատության և ընտանիքի համագործակցությունը երեխաների ֆիզիկական դաստիարակության կազմակերպման գործում
• Ընտանիք-մանկապարտեզ համագործակցությունը՝ որպես երեխայի համակողմանի զարգացման երաշխիք։ Ընտանիքը և ծնողները՝ որպես նախադպրոցական հասատության գործընկեր
• Մանկապարտեզի դերը ծնող-երեխա ներդաշնակ փոխհարաբերության հաստատման գործում։ Ընտանեկան դաստիարակության առանձնահատկությունները
• Ծնողական կրթություն։ Նախադպրոցահասակ երեխաների ծնողների մանկավարժական կրթության առանձնահատկությունները

Առողջագիտություն, ֆիզիկական դաստիարակություն

• Շարժախաղերի դերը երեխաների ֆիզիկական կարողությունների և շարժողական հմտույթունների զարգացման միջոց։ Հայկական ժողովրդական մանկական շարժախաղեր
• Երեխայի օրգանիզմի կոփումը մանկապարտեզում (առավոտյան մարմնամարզություն, շարժախաղեր, մարզախաղեր, ռիթմիկ մարմնամարզություն)

Անվտանգություն

• Անվտանգ վարքագծի դաստիարակումը նախադպրոցական տարիքում. («Անվտանգության այբուբեն»)
  ծանոթացում ճանապարհային երթևեկության կանոններին
  հակահրդեհային կանոններ
  անվտանգությունը ձմռանը
  անվտանգությունը անտառում

ՏՀՏ և երեխաները

• Համակարգչային ուսուցման առավելություններն ու թերությունները նախադպրոցական տարիքում, տեղեկատվական աղբյուրների տեղն ու դերը երեխաների կողմից ձեռք բերվող գիտելիքների համակարգում
• Համակարգչային խաղերի առանձնահատկությունները նախադպրոցական տարիքում

Ինտեգրված, համալիր պարապմունքներ

• Հովարդ Գարդների Բազմաբնույթ մտածողության տեսության կիրառումը մանկապարտեզում (ինտեգրված պարապմունքներ)
• Ինտեգրված պարապմունքները նախադպրոցականի համակողմանի ուսուցման ապահովման երաշխիք ինտեգրված պարապմունքների առանձնահատկությունները և մեթոդիկան