Այսօր Մարմարյա սրահից կրթահամալիրի տնօրենի շուրջայցով մեկնարկեց Մայիսյան ամենամյա 12-րդ հավաքը: Շուրջայցի մասնակիցներն էին նաև կրթահամալիրի դասավանդողները, սովորողներն ու ծնողները: Մայր դպրոցում ներկայացվում էին նախագծային ուսուցումը, բացօթյա պարապմունքները, Մայր դպրոցի պարտեզի աշխատանքները, բուժօգնության բացօթյա պարապմունքները, Արևելյան դպրոցում` ռոդարիական հնարքների ֆլեշմոբ էր, Քոլեջում ներկայացվում էին միջավայրի բարելավման աշխատանքները, «Նախադպրոցական կրթություն» մասնագիտական խմբի երաժշտություն-թատերախաղը, թարգմանական նախագծերը, ջերմոց-լաբորատորիայի էկո նախագծերը:
