Բատիկից շարֆ-թաշկինակների ներկում

Նախագծային ճամբարի ընթացքում քոլեջի 5-6 տարեկանների, կարի և մոդելավորման և մեկամյա ուսուցման բաժնի ուսանողների հետ իրականացրեցինք միասնական նախագիծ`«Բատիկից շարֆերի կամ թաշկինակների ներկում»: Բավական հետաքրքիր և արդյունավետ նախագիծ էր: Մեր կրտսեր ընկերներին ներկայացրեցինք, թե ինչ է բատիկը և անհրաժեշտ նյութերը: Այնուհետև անցանք մեր բուն աշխատանքին: Կտորները հանգույցի տարբեր տեխնիկաներով կապեցինք, հետո ներկեցինք բատիկի ներկերով: 5-6 տարեկանները շատ էին ոգևորվել, նրանց համար նորություն էր  նման աշխատանքը, ինչու չէ նաև մեզ հետ աշխատելը: Աշխատանքի ընթացքում ամենահետաքրքրասեր քոլեջիկները տարբեր հարցեր էին հղում մեզ, դե մենք էլ սիրով պատասխանում էինք մեր ընկերներին: Գույների ընտրության հարցում մենք օգնում էինք նրանց: Երբ արդեն բոլորի թաշկինակները ներկված-պատրաստ էին, գրեցինք սովորողների անունները և թողեցինք մոմլաթի վրա, որպեսզի չորանա: Մեծերով և փոքրերով անհամբեր սպասում ենք արդյունքին…

Կարի և մոդելավորման խմբի ուսանողներ