Օր, որն ավարտվեց շատ արագ

Ես այս շաբաթ աշխատում եմ կրթահամալիրի նախադպրոցական խմբերում, փոխարինում եմ մեր հիվանդ դաստիարակներին: Այ, էսօր առավոտյան եկա քոլեջ, իսկ ժամը 1-ին պետք է գնայի   հարավային դպրոց-պարտեզ:  Գիտեի, որ նախադպրոցական խմբի մեր աղջիկներն էլ են գնալու: Ուրեմն, բոլորս միասին գնացինք: Շատ անելիքներ ունեինք այնտեղ՝ «Սովորող-սովորեցնող» նախագիծը, «Հարսանքավոր հունվարիկներն ու ճնճուղները» նախագիծը: Մի քիչ փորձեր արեցինք 5-6 տարեկանների հետ, հետո նրանք գնացին լողի պարապմունքի, իսկ մենք անցանք 2-4 տարեկանների խմբերը: Տեսնել էր պետք այդ փոքրիկների աչուկները, երբ իրենց հետ պատմում էինք հեքիաթներ, լսում էին, պատմում իրենց թոթով լեզվով: Խոստացանք, որ էլի կգանք, որ միասին դեռ կերգենք ու կպարենք:

Անի Հովհաննիսյան, Քոլեջ, 3-րդ կուրս

ն